Concluíron os de podólogos asturianos e galegos e o de violencia doméstica

Ribadeo cotiza alto como centro de congresos profesionais

26-04-2016

Concluíron en Ribadeo dous encontros especializados, as Xornadas Astur-Galaicas de Podoloxía Pediátrica e a de violencia doméstica.

Eses dous, como outros moitos celebrados durante os últimos meses, confirman que Ribadeo cotiza alto como centro de congresos profesionais.

Á parte dos aspectos específicos que se analizan nese tipo de reunións, os asistentes e os seus acompañantes aproveitan a súa estancia en Ribadeo para visitas turísticas como as que hoxe mesmo están programadas dentro do congreso de podoloxía. Visitarán As Catedrais e Rinlo.

Ás xornadas de podoloxía pediátrica acudiron profesionais de Galicia, Asturias, Cataluña, Andalucía, A Rioxa, Madrid e Alacante. Un das mensaxes dese congreso é que os nenos deben realizar a súa primeira consulta podológica aos 7 anos.