Campaña desTapemos a igualdade

Machismo: Ideoloxía, comportamento ou actitude de quen defende a supremacía do macho e non acepta a igualdade de dereitos entre o home e a muller.

Feminismo: Doutrina que defende a igualdade de dereitos entre o home e a muller.
(Definicións do Dicionario da Real Academia Galega)

Vós, que nos ledes, andades estes días na procura de lecer, conversas e receitas diferentes e compartidas, no Ribadeo de Tapeo 2013. E nós, desde o Observatorio da Mariña pola Igualdade, queremos aproveitar a ocasión para, como xa fixemos o ano pasado, sumarnos á festa dos sabores e convidarvos a gozar dun moi especial e que dá moito de si: o sabor da igualdade.

Este ano os nosos tradicionais Cocos súmanse á festa gastronómica e fano desde os 14.000 panos de mesa distribuídos por todos os locais participantes, para nos lembrar que agora é o momento de apostar sen complexos polo feminismo, de desTAPAr a igualdade, de rachar roles e estereotipos sexistas, de compartir os traballos do fogar, de combater a violencia machista… Comecemos a saborear, todas e todos, os momentos da igualdade como facemos coas ricas tapas do tapeo. Estamos cert@s de que así gañaremos tod@s!.

¡Digamos non ao machismo, desTAPEMOS a igualdade, e gocemos xunt@s dela!

Observatorio da Mariña pola Igualdade

Compartir:

© Oficina de Turismo de Ribadeo. Praza de España. 27700 Ribadeo (Lugo) // Teléfono: 982 12 86 89 // turismo@ribadeo.org