Chega un equipo star system en Asia, equiparables a Brad Pitt e Angelina Jolie

Megaestrelas asiáticas nas Catedrais

28-09-2016

Chega un equipo de 150 persoas con Jun Ji Hyun e Le Min Ho, star system en Asia equiparables a Brad Pitt e Angelina Jolie.

Jun Ji Hyun e Le Min Ho. Probablemente a poucos lles soen estes nomes. En Asia son figuras do star system, equiparables a Brad Pitt yAngelina Jolie. Esta semana atópanse en Galicia, participando na rodaxe dunha serie de televisión que levantou enormes expectativas en Asia, singularmente en China e Corea. E proba do seu tirón foi a cantidade de fans que se arremolinaron do luns ao mércores na Coruña para asistir ás rodaxes. Todo o equipo, cunhas 150 persoas, está hoxe en Ribadeo, para seguir rodando nas Catedrais (hoxe e mañá) escenas da serie de televisión Lenda do Mar Azul, un drama romántico de 20 episodios dirixido por Jin Hyuk que adapta un relato clásico sobre unha sirena devolta ao mar por un aristócrata.

A serie, que se estreará o 16 de novembro, arrinca en localizacións galegas (María Pita, Torre de Hércules, Monte de San Pedro e praia das Catedrais) elixidas non se sabe por quen. «Eles tiñan moi claro que querían rodar aquí», afirma Rita Gil, membro da produtora catalá My Way contratada polos coreanos.  

Con esa determinación comezou o luns na Coruña a rodaxe a cargo de 150 persoas e toneladas de material integramente surcoreano. «Non é habitual que se traian os equipos e aos seus propios técnicos, pero estes fixérono», explicou a portavoz de My Way, afeita traballar en Barcelona en producións publicitarias para este país, que alumou xigantes como Samsung e Hyundai, e atónita ante o desembarco no mes de agosto de oitenta persoas no aeroporto do Prat con cachivaches para cargar dous camións.

A Galicia tamén se trouxeron os seus costumes gastronómicos e os almorzos destes cinco días de rodaxe (tres na Coruña e dous nas Catedrais) serán a base de sopa, arroz, algas e fideos. As comidas e as ceas son outro cantar. Sábese que na Coruña un grupo reducido acudiu a coñecer o mobiliario dunha reputada marisquería (percebes, zamburiñas, ameixas, polbo e croquetas de bogavante) que nos días que estiveron na cidade coruñesa tiveron a ocasión de repetir.

Parte do equipo de produción chegou ao longo do día de onte a Ribadeo. O resto esperábase para pola noite. Onte, de feito, segouse millo nun prado facendo un carreiro que aboca nun cantil das Catedrais, onde se vai a rodar unha persecución. Esa é unha das escenas na que traballarán dous días.

Desde o Concello habilitouse unha zona especial de aparcadoiros, para que estacionen os tráiler do equipo, os coches de cátering, etcétera.

Impacto promocional

Ana Martínez, concelleiro de Turismo de Ribadeo, incidiu no impacto publicitario que pode ter a serie. E lembrou que outra reportaxe dunha produtora de Corea do Sur deu pé a esta nova rodaxe.