Igrexa de Santa María do Campo
Anteriormente era un convento de franciscanos ata que no 1835 se converteu na igrexa parroquial de Santa María do Campo.
Co paso do tempo a igrexa sufriu diversas reformas. No 1905 sufriu a demolición da espadana que se atopaba sobre o muro do Evanxeo e no seu lugar construíuse o campanario actual.
A igrexa foi ampliada ao engadirlle o pórtico e o coro e cambióuselle a bóveda que era de peche de madeira por unha bóveda nervada.
Do antigo convento franciscano consérvase a disposición xeral do plano, o arco do presbiterio, as laxas do chan e os restos do antigo.
Este templo presenta unha nave central cuberta de bóveda sinxela nervada, capela maior, dúas capelas na ábsida e outras dúas máis abertas no cruceiro. O centro do transepto e as dúas capelas da esquerda levan tamén bóveda de nervios con terceletes e ligaduras.
A portada é gótica do século XIV, con catro columnas que teñen capiteis de decoración vexetal, ventá grande da mesma época e torre de estilo neogótico.
No lado esquerdo do templo hai unha portada gótica moi semellante á principal, tamén do século XIV e con decoración a base de ángulos e motivos vexetais nos dous capiteis das súas columnas.
No seu interior destacan os arcos románicos que dan acceso á sala capitular antiga dende o claustro e dous retablos barrocos do século XVIII.
Nel tamén se poden atopar os escudos de armas de importantes familias fidalgas de Ribadeo.