Depósitos paleolíticos de Louselas (Vilaselán)
Estes restos paleolíticos son uns dos máis antigos do norte de Galicia, datados en torno aos 300.000 anos a.C, e constitúen o primeiro vestixio histórico de Ribadeo.
Debido a cantidade de restos atopados e á súa antigüidade é considerado un dos depósitos paleolíticos máis importantes da costa cantábrica.
A época de fabricación dos obxectos atopados neste xacemento corresponde ao paleolítico inferior.
Na súa maioría trátase de utensilios elaborados a partir dos croios e pedras da ría e estaban destinados ao uso en labores relacionadas co tratamento da pel de animais: raspadores, roederas, bifaces e fendedores, entre outros.
Actualmente, podemos atopar máis de 300 pezas procedentes deste xacemento expostos no Museo de Prehistoria e Arqueoloxía de Vilalba.