A área de Turismo do Concello de Ribadeo organiza 11 percorridos guiados a través dos que se poderá descubir o seu importante patrimonio natural e cultural.

Unha serie de rutas, para todos os públicos, nas que se mostrarán aspectos moi diversos tanto dende o punto de vista natural como cultural.

Este ano, como novidade incorpóranse unha nova visita teatralizada polo legado indiano, coa que daremos a coñecer a historia viva da pegada da emigración a ultamar. Continúan as outras 2 visitas teatralizadas que o ano pasado tiveron tanto éxito: A Visita teatral ao Ribadeo Ilustrado, da man do grupo de teatro Os Quinquilláns, todos os xoves de xullo, agosto ás 20.30h.

E a Visita teatralizada ao Camiño do Encanto con esta, percorremos algúns dos atractivos máis singulares do interior de Ribadeo: Pazo de Cedofeita, Pegadas do Encanto e Santuario de Nosa Señora das Virtudes con relatos teatralizados que permitirán afondar nos valores e historia do patrimonio interior de Ribadeo.
Moverémonos en bus e as datas son o domingo 24 de xullo e o domingo 7 e 21 de agosto. Partirase da oficina de turismo ás 10.30h e terá unha duración: 2,5h

Ademais, a través de 4 roteiro guiados e interpretados, poderase gozar do fascinante patrimonio cultural e etnográfico presente en cada recuncho da vila e tamén do interior do Concello:  

1. Visita guiada ao Santuario de Nosa Señora das Virtudes.
2. 2.     Visita guiada ao “Ribadeo Indiano”.
3. Visita guiada ao “Ribadeo Ilustrado”.
4. Visita guiada ao “Ribadeo Antigo”

1. 1.     Xeo-ruta dos Arcos. Exploramos o conxunto de arcos rochosos máis importante da península Ibérica.
2. 2.     Xeo-ruta da Ría. Descubrimos a orixe da ría de Ribadeo, a súa evolución, e as formas que xerou nesta a erosión mariña e fluvial.
3. 3.     Xeo-ruta dos Pregues. Mostramos unha das maiores estruturas xeolóxicas da Mariña Lucense, o gran pregue que se estende dende a Ría de Foz ata Ribadeo.
4. 4.     Xeo-ruta do Ollos. Gozamos dos tesouros xeolóxicos deste treito litoral e do fermoso pobo mariñeiro de Rinlo.